- By CNI
- Category: လူမှုဘဝ
- Hits: 701
CNI News
၂၀၂၂ ခုနှစ်၊ မေ ၄
လျှပ်စစ်မီး ၄ နာရီလာပြီး ၁၂ နာရီပျက်မည်ဆိုသော အစီအစဉ်မရှိကြောင်းနှင့် လက်ရှိ ပုံမှန်ပေးနေသည့် ၄ နာရီခြားစီ အစီအစဉ်အတိုင်း လျှပ်စစ်မီးကို ဖြန့်ဖြူးပေးသွားမည်ဖြစ်ကြောင်း ဗိုလ်တထောင်မြို့နယ် လျှပ်စစ်ရုံးမှ တာဝန်ရှိသူတစ်ဦးက ပြောသည်။
ဗိုလ်တထောင်မြို့နယ် လျှပ်စစ်ရုံးမှ တာဝန်ရှိသူတစ်ဦးက “ကျနော်တို့က ဒီလိုပဲ ပုံမှန်သွားနေတာပါ။ အဲ့ကြားထဲမှာတော့ ဝန်အားမနိုင်လို့ ပိတ်သွားတဲ့ အခါတွေတော့ ရှိမှာပေါ့”ဟု ပြောသည်။
မေလ ၁ ရက်နေ့မှ စတင်ပြီး မြန်မာနိုင်ငံတစ်ဝန်း လျှပ်စစ်မီး ၄ နာရီလာ ၊ ၁၂ နာရီ မီးပြတ်သည့်စနစ် စတင်ကျင့်သုံးမည်ဟု သတင်းများ ပျံ့နှံ့လျက်ရှိနေသည်။
လျှပ်စစ်မီတာ
လျှပ်စစ်နှင့်စွမ်းအင်ဝန်ကြီးဌာန(ယခု လျှပ်စစ်စွမ်းအားဝန်ကြီးဌာန၊ စွမ်းအင်ဝန်ကြီးဌာနဟု ပြောင်းလဲဖွဲ့စည်းထား)မှ လျှပ်စစ်မီး ဖြန့်ဖြူးပေးဝေမှုအား မတ်လ ၁၂ ရက်မှ စတင်ကာ အချိန်အပိုင်းခြားဖြင့်သာ ပေးဝေနေခြင်းဖြစ်ပြီး မေလအထိ ယခုကဲ့သို့ ပေးဝေသွားမည်ဖြစ်ကြောင်း သိရသည်။
- By CNI
- Category: လူမှုဘဝ
- Hits: 813
CNI International News
၂၀၂၂ ခုနှစ်၊ မေလ ၄
ကိုယ့်ခန္ဓာကိုယ်၊ ကိုယ့်ရွေးချယ်မှု ဟူသော ကြွေးကြော်သံများနှင့်အတူ နယူးယောက်မြို့တွင် ထောင်နှင့်ချီသော လူစုလူဝေးဖြင့် ချီတက်ဆန္ဒပြခဲ့ကြသည်။
တရားဝင် ကိုယ်ဝန်ဖျက်ချမှုကို အဆုံးသတ်ရန် တရားရုံးချုပ်စီစဉ်နေကြောင်း သတင်းများ ပေါက်ကြားခဲ့ပြီးနောက် ထိုကဲ့သို့ ချီတက်ဆန္ဒပြမှု ပေါ်ပေါက်လာခဲ့ခြင်းဖြစ်ကြောင်း အေအက်ဖ်ပီသတင်းအရ သိရသည်။
ဓာတ်ပုံ-AFP
- By CNI
- Category: လူမှုဘဝ
- Hits: 767
CNI News
၂၀၂၂ ခုနှစ်၊ ဧပြီ ၂၇
ရခိုင်ပြည်နယ်၊ စစ်တွေမြို့တွင် ရေပေးဝေနေသည့် ရေကန်များ ခမ်းခြောက်လာမှုကြောင့် စစ်တွေမြို့အတွင်းရှိ ရပ်ကွက်တချို့ မှာ ရေအခက်အခဲများနှင့် ကြုံတွေ့နေရကြောင်း ဒေသခံများထံမှ သိရသည်။
ရေရှားပါးမှုဒဏ်ကို စစ်တွေမြို့နယ်အတွင်း နှစ်စဉ် ကြုံတွေ့နေရသော်လည်း လက်ရှိတွင် လူဦးရေ တိုးပွားလာမှုကြောင့် ရေ ရှားပါးမှုဒဏ်ကို ပိုမိုခံစားနေရကြောင်း စစ်တွေဒေသခံ ဦးကိုမိုးက CNI သတင်းဌာနသို့ ပြောသည်။
ဦးကိုမိုးက “တချို့ရွာတွေဆို ညတောင် မအိပ်ရဘူး ရလာတဲ့အချိန် ရေသွားခပ်ရတာ။ ဆည်က ပေးတယ်မလား ရေက အချိန် နဲ့ပဲ ပေးတာ။ တစ်နာရီဆို တစ်နာရီ၊ သုံးနာရီဆို သုံးနာရီ အဲလိုပဲ ပေးတာ။ ကျနော်တို့မြို့က ရေရှားတာက လူဦးရေ ထူထပ် လာလို့ ရှိတဲ့ကန်က လူတွေက များလာတယ်လေ။ ရေသုံးစွဲရတာ အခက်အခဲတော့ ရှိတယ်။ မနက်ကျရင်လည်း ရေရှားတာက တစ်မျိုး။ စားဖို့ ပိုက်ဆံမရှိလို့ ကိုယ့်အလုပ်ကို လုပ်နေရတာ” ဟု ပြောသည်။
စစ်တွေမြို့ရှိ ကန်တော်ကြီး ရေကန်သည် ဖေဖော်ဝါရီလ အထိသာ ရေပုံမှန်ရရှိခဲ့ပြီး နောက်ပိုင်းတွင် ပုံမှန်မရရှိတော့ ကြောင်း ၊ တခြားသော ရေကန်တစ်ကန်ဖြစ်သည့် ဗျိုင်းဖြူ ရေကန်သည်လည်း ရေခမ်းလာနေပြီ ဖြစ်ကြောင်း၊ ထိုရေမှာလည်း သန့်ရှင်း မှု နည်းပါးလာနေပြီဖြစ်ကြောင်း သိရသည်။
ရေပြတ်လပ်မှုကို စစ်တွေမြို့တွင် နေထိုင်သူများ နှစ်စဉ် ကြုံတွေ့နေရပြီး ရေပြဿနာအား စနစ်တစ်ခုကို သုံးပြီး ဖြေရှင်း စေချင်ကြောင်း၊ ဆည်ပေးဝေရေးအတွက် ဆည်တစ်ခု တူးဖော်စေလိုသည်ဟု စစ်တွေမြို့ နေထိုင်သူ ဦးကိုနိုင်ဇော်က ပြော သည်။
ရေလှူဒါန်းသည့်ကား
ဦးကိုနိုင်ဇော်က “ကျနော်တို့ကတော့ နွေရာသီ ရေမရှားရအောင် ဆည်ရေတွေ တူးသလိုမျိုး နောက်တစ်ဆည်လောက် တူး ပေးရင် ပြည်သူတွေအတွက် ကောင်းတာပေါ့။ တူးဖို့နေရာတွေလည်း ရှိပါတယ်။ အစိုးရကလုပ်ရင် ဖြစ်ပါတယ်” ဟု CNI သတင်းဌာနသို့ ပြောသည်။
နှစ်စဉ် ကြုံတွေ့နေရသည့် ရေပြတ်လပ်မှုကို လျော့ပါးစေရန်အလို့ငှာ ရေပေးဝေနေသည့် ရေကန်များကို စနစ်တကျ စီမံ ဆောင်ရွက်ရန် စည်ပင်သာယာရေးကော်မတီကို ညွှန်ကြားထားပြီးသား ဖြစ်သည်ဟု ရခိုင်ပြည်နယ် စီမံအုပ်ချုပ်ရေးကောင်စီ ပြောရေးဆိုခွင့်ရှိသူ ဦးလှသိန်းက CNI သတင်းဌာနသို့ ပြောသည်။
ဦးလှသိန်းက “ပြည်နယ်အစိုးရကတော့ စည်ပင်ရဲ့ လုပ်ဆောင်ချက်တွေ ရှိတယ်။ အဲဒီမှာ ရေက ဒီဘက်ကန်မှာနည်းလို့ ဟိုဘက်ကန်မှာ ရေရှိတယ်။ ဒီဘက်ကန်မှာ ဘယ်လိုချဲ့မလဲ။ စက်မောင်းပေးဖို့ စီစဉ်တယ်ဆိုတာကို စည်ပင်ကို ချပေးထား ပြီသား” ဟု ပြောသည်။
ရေအခက်အခဲ ဖြစ်ပေါ်နေခြင်းကို ပြေလည်စေရန်အတွက် အဝီစိရေတွင်းများ တူးဖော်သော်လည်း ပင်လယ်အနီးတွင် တည် ရှိသောကြောင့် ဆားငန်ရေများသာ ထွက်ပေါ်ပြီး နေရာ အနည်းငယ်တွင်သာ ရေကောင်းရေသန့် ရရှိကြောင်း၊ လတ်တလော တွင် သောက်သုံးရေအတွက် ရေသန့်ရေများကို ဝယ်ယူနေရပြီး အခြေခံ လူတန်းစားများအတွက် အခက်အခဲ ဖြစ်ပေါ်နေသည် ဟု စစ်တွေ ဒေသခံများက ပြောသည်။
- By CNI
- Category: လူမှုဘဝ
- Hits: 672
CNI News
၂၀၂၂ ခုနှစ်၊ ဧပြီ ၂၃
ရခိုင်ပြည်နယ်တွင် မိုးသက်လေပြင်း တိုက်ခတ်မှုကြောင့် ပျက်စီးသွားသည့် တိုက်ပွဲရှောင် စခန်းများအား ထောက်ပံ့ပေးသွား မည်ဖြစ်ကြောင်း ရခိုင်ပြည်နယ်စီမံအုပ်ချုပ်ရေးကောင်စီမှ သယံဇာတရေးရာဝန်ကြီး ဦးသန်းထွန်းက CNI သတင်းဌာနသို့ ပြောသည်။
ရခိုင်ပြည်နယ်တွင် ဧပြီ ၂၀ ရက်နေ့က လေပြင်းတိုက်ခတ်မှု ဖြစ်ပွားခဲ့ရာ ရခိုင်ပြည်နယ်ရှိ တိုက်ပွဲရှောင်စခန်း တချို့၏ နေအိမ်များ ပျက်စီးခဲ့ကြကြောင်း သိရသည်။
သယံဇာတရေးရာဝန်ကြီး ဦးသန်းထွန်းက “အဲ့ဒါအတွက်လေ အခုအမြန်ဆုံး စာရင်းပြုစုခိုင်းနေတယ်။ စာရင်းပြုစုလို့ ရတာနဲ့ စာရင်းကောက်ခိုင်းပြီးတော့ ဘယ်လောက်အထိ အတိုင်းတာ ဆုံးရှုံးမှုရှိလည်းဆိုတာကို ကြည့်ပြီးတော့ ကျနော်တို့ သင့်တင့် လျောက်ပတ်တဲ့ ထောက်ပံ့မှုတွေကို လုပ်ပေးသွားမှာပါ။ ဒါပေမယ့် သိပ်များများစားစားတော့ ဖြစ်တာတော့ မရှိပါဘူး”ဟု ပြောသည်။
ရခိုင်ပြည်နယ်ရှိ တိုက်ပွဲရှောင်စခန်းများမှ နေအိမ်များသည် ဝါး၊ ဓနိအုန်းလက်၊ တာလဘက် စသည့် အမိုးအကာများ အသုံးပြု ၍ ဆောက်လုပ်ထားသော နေအိမ်များ ဖြစ်သည့်အတွက် ရာသီဥတုဆိုးရွားမှုဒဏ်အား ခံနိုင်ရည်မရှိကြောင်း တိုက်ပွဲရှောင် စခန်းများမှ သိရသည်။
မိုးသက်လေပြင်း တိုက်ခတ်လို့ ပျက်စီးသွားတဲ့ ရခိုင်တိုက်ပွဲရှောင်စခန်းက နေအိမ်များ
သက်ဆိုင်ရာဌာနများမှ နေအိမ်ဆောက်လုပ်ရန် ပေးအပ်သည့် ပစ္စည်းအရေအတွက်များသည် တိုက်ပွဲရှောင်စခန်းများရှိ လူဦးရေနှင့် မကိုက်ညီကြောင်း၊ ထိုသို့ မကိုက်ညီရခြင်းမှာ အိမ်ထောင်စု တစ်စုတွင် မိသားစု အနည်းငယ်ရှိ သကဲ့သို့ တချို့ အိမ်ထောင်စုများတွင် မိသားစု ၁၀ ဦးထက်မနည်း ရှိသည့်အတွက်ကြောင့် ဖြစ်ကြောင်း သိရသည်။
ပျက်စီးသွားသည့် နေအိမ်များသည် မိုးမရွာပါက နေထိုင်ရန် အဆင်ပြေသော်လည်း ယခုကဲ့သို့ ရုတ်တရက် မိုးသက်လေပြင်း များ ကျခြင်းအပြင် မကြာခင်တွင် မိုးရာသီ ရောက်ရှိတော့မည်ဖြစ်သဖြင့် အမြန်ဆုံး ပြန်လည် ပြုပြင်ရန် လိုအပ်ကြောင်း တောင်မင်းကုလား တိုက်ပွဲရှောင်စခန်းမှ အမျိုးသမီးခေါင်းဆောင် မအေးခိုင်က CNI သတင်းဌာနသို့ ပြောသည်။
မအေးခိုင်က“သူတို့ပေးတဲ့ အဆောင်ကတော့ ကြာပြီလေ။ အဆောင်ပေးတာ ကြာပြီဆိုလို့ရှိရင် တစ်နှစ်ကို တစ်ခါပေးတဲ့ ဝါး တွေကလည်း သူတို့ပေးတာနဲ့ မလုံမလောက် ဖြစ်နေတယ်။ လေတိုက်တဲ့အချိန်မှာ အကုန်လုံး အိမ်ခေါင်တွေ လန်လို့လန်၊ မလန်တဲ့ အိမ်တွေလည်း မှောက်ခုံမှောက်ကြတာပဲ။ မိုးရွာလို့ရှိရင် နေစရာမရှိဘူးပေါ့။ မရွာလို့ရှိရင် နေစရာရှိပါတယ်။ အဓိက ပထမဆုံး လိုအပ်ချက်ကတော့ နေတဲ့အိမ် အဆောင်တွေပဲ လိုချင်တယ်။ နေတဲ့အိမ်အဆောင်ရမှ လုံခြုံစိတ်ချလို့ရမှာ။ အခုက အဆောင်ကတော့ အားမကိုးရဘူး။ လေလာရင်လည်း လေနဲ့ပြိုဖို့ အခြေအနေရှိတယ်။ မိုးလာရင်လည်း မိုးယိုဖို့ အခြေအနေရှိ တယ်။ အိမ်ကတော့ ကြီးကြီးတွေ မလိုပါဘူး။ ဒါပေမယ့်ပေါ့ တဲတွေဘာတွေ၊ ဝါးဆိုလို့ရှိရင်လည်း ၁၀၀ မဟုတ်ဘဲနဲ့ အလုံ အလောက် ပေါ့နော်။ အရင်တုန်းကဆို တစ်နှစ်ပြည့်မှ ဝါး ၁၀၀ ပဲ ပေးတယ်။ ဝါး ၁၀၀ ဆို အလုံး သေးသေးလေးဆို မလောက် ဘူး အိမ်တစ်အိမ်လောက်အတွက်”ဟု ပြောသည်။
မိုးသက်လေပြင်း တိုက်ခတ်လို့ ပျက်စီးသွားတဲ့ ရခိုင်တိုက်ပွဲရှောင်စခန်းက နေအိမ်များ
ဧပြီ ၂၀ ရက်နေ့က မိုးသက်လေပြင်း တိုက်ခတ်ခဲ့မှုကြောင့် မြောက်ဦး၊ ကျောက်တော်မြို့ရှိ ဝါးတောင်၊ တောင်မင်းကုလား၊ ညိုချော စသည့် တိုက်ပွဲရှောင်စခန်းများမှ နေအိမ်များ ပျက်စီးဆုံးရှုံးခဲ့ကြောင်း၊ တောင်မင်းကုလား တိုက်ပွဲရှောင်စခန်းတွင် နေအိမ် ၉၆ လုံးအနက် ၁၀ လုံးမှာ လုံးဝပျက်စီးခဲ့ပြီး ကျန်နေအိမ်များမှာ တချို့တဝက် ပျက်စီးသွားကြောင်း သိရသည်။
- By CNI
- Category: လူမှုဘဝ
- Hits: 833
CNI News
၂၀၂၂ ခုနှစ်၊ ဧပြီ ၂၂
ရခိုင်ပြည်နယ်၊ မြောက်ဦးမြို့ ရှေးဟောင်းစေတီ ပုထိုးများ၏ အနီးပတ်ဝန်းကျင်ရှိ ကျူးကျော်များအတွက် မြေနေရာ အစားထိုး ပေးရန်မှာ သေချာကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန (မြောက်ဦးဌာနခွဲ)မှ ညွှန်ကြားရေးမှူး ဦးကြည်ခင်က CNI သတင်းဌာနသို့ ပြောသည်။
မြောက်ဦးမှ ကျူးကျော်များအား မြေနေရာပေးမည်မှာ သေချာလားဟု CNI သတင်းဌာန၏ မေးမြန်းချက်အား ညွှန်ကြားရေး မှူး ဦးကြည်ခင်မှ ယခုကဲ့သို့ ဖြေကြားခဲ့ခြင်း ဖြစ်သည်။
၎င်းက “ဟုတ်ကဲ့ ဟုတ်ကဲ့။ ဒီအချိန်ပြောလို့ မရသေးဘူး မြေနေရာ။ ရှိတော့ ရှိပါတယ်။ ဒါပေမယ့် ရွေးချယ်နေပါတယ်။ သူ့ နေရာနဲ့သူ သက်ဆိုင်ရာ အာဏာပိုင်တွေက လုပ်နေပါတယ်။ အဲ့ဒီမှာ မြေနေရာရရင် ဒီနေရာကို ရွှေ့ပြောင်းပေးပါ့မယ်”ဟု ပြောသည်။
မြောက်ဦးဒေသအား ၂၀၂၃ ခုနှစ်တွင် ကမ္ဘာ့ရှေးဟောင်း ယဉ်ကျေးမှုအမွေအနှစ် ဝင်၊ မဝင် ဆုံးဖြတ်ရန်အတွက် ယခုနှစ်(၂၀၂၂ ခုနှစ်) စက်တင်ဘာလ၊ အောက်တိုဘာလတွင် ပညာရှင်များမှ ကွင်းဆင်း စစ်ဆေးမည် ဖြစ်သောကြောင့် ကျူးကျော်နေအိမ် များအား အပြီးဖယ်ရှားရန် လုပ်ဆောင်နေခြင်း ဖြစ်သည်။
မြောက်ဦး နန်းတော်ရာကုန်း တဝိုက်ရှိ ကျူးကျော်များအား ဖယ်ရှားရန်အတွက် စာထုတ်ထားကြောင်း ရခိုင်အခြေစိုက် သတင်းဌာနတစ်ခုဖြစ်သည့် Western News သို့ ညွှန်ကြားရေးမှူး ဦးကြည်ခင်မှ ဖြေဆိုထားကာ ကျန်နေရာများအားလည်း တဆင့်ချင်း လုပ်ဆောင်သွားမည်ဖြစ်ကြောင်း သိရသည်။
မြောက်ဦးရှေးဟောင်း နယ်မြေ စီမံရေး သက်ဆိုင်ရာဌာနက ဆောင်ရွက်နေစဉ်
ထိုကျူးကျော်များထဲတွင် အမှန်တကယ် နေစရာမရှိ၍ ကျူးကျော်နေထိုင်သူများရှိသလို နေစရာရှိပြီး စီးပွားရေးအရ ကျူး ကျော် သူများလည်းရှိကြောင်း မြောက်ဦးဒေသခံများက ပြောသည်။
ကျူးကျော်ဖယ်ရှားရာတွင် အမျိုးအစားများခွဲ၍ သိမ်သိမ်မွေ့မွေ့ လုပ်ဆောင်ရမည်ဖြစ်ကြောင်း မြောက်ဦးမြို့ ရှေးဟောင်း အမွေအနှစ် စောင့်ရှောက်ရေးအဖွဲ့ ဒုတိယဥက္ကဋ္ဌ ဦးသန်းမြင့်က CNI သတင်းဌာနသို့ ပြောသည်။
ဒုတိယဥက္ကဋ္ဌ ဦးသန်းမြင့်က “လောလောဆယ် တားထားတဲ့ကြားကနေ ကျူးကျော်တွေကိုတော့ ဦးစားပေး ဖယ်ရှားမှာ။ နောက် ကျန်တဲ့ ကျူးကျော် အမျိုးစားတွေကတော့ အများကြီးရှိပါတယ်။ မြောက်ဦးမြို့ စတည်ကတည်းက နေလာတဲ့ အိမ်တွေ ရှိတယ်။ နောက်ပိုင်းကျတော့ ရှေးဟောင်းနယ်မြေဖြစ်တဲ့ အခါကျတော့ တံတိုင်းနဲ့မလွတ် ကျုံးနဲ့ မလွတ်ဆိုတာ မျိုးပေါ့။ ရှေးဟောင်းနယ်မြေနဲ့ မလွတ်ဖြစ်တဲ့ အခါကျတော့ အဲ့ဒါက ကျူးကျော်ဖြစ်သွားရော။ အဲ့ဒါက တစ်မျိုး။ အခု နောက် ပိုင်းမှာ ကျနော်တို့ ကမ္ဘာ့အမွေအနှစ် တင်ဆဲကာလမှာ တားထားတဲ့ ကြားထဲကနေ ကျူးကျော်တဲ့ကိစ္စက တစ်မျိုး။ အဲ့ဒါမျိုး ပေါ့။ အမျိုးအစား ၄၊ ၅၊ ၆ မျိုးလောက်တော့ ခွဲရမယ်ထင်တယ်။ ဘယ်အမျိုးစားကို ဘယ်လို ကိုင်တွယ်မလဲဆိုတာ သပ်သပ် အစည်းအဝေး ထိုင်ရပါဦးမယ်”ဟု ပြောသည်။
မြောက်ဦးရှေးဟောင်း နယ်မြေ စီမံရေး သက်ဆိုင်ရာဌာနက ဆောင်ရွက်နေစဉ်
အဆိုပါ ကျူးကျော်များအား မြေနေရာပေးရာတွင် မြောက်ဦးမြို့ အုတ်ဖိုကန်ရွာအနီး၌ လွန်ခဲ့သည့် သုံးနှစ်ခန့်က မြို့သစ် စီမံ ကိန်းလုပ်ရန် ရွေးချယ်ထားသည့် မြေနေရာအား ပေးနိုင်ခြေရှိကြောင်းလည်း သိရသည်။
မြောက်ဦးဒေသအား ကမ္ဘာ့ရှေးဟောင်း အမွေအနှစ်စာရင်း တင်သွင်းနိုင်ရေးအတွက် အဆိုပြုလွှာ မူချောကို ၂၀၂၁ ခုနှစ်၊ ဒီဇင်ဘာလ ၃၀ ရက်က တင်သွင်းခဲ့ခြင်းဖြစ်ကြောင်း၊ ထိုအဆိုပြုလွှာ မူချော တင်သွင်းထားမှုကို ပြင်သစ်နိုင်ငံ၊ ပါရီမြို့ရှိ ရုံးချုပ်မှ လက်ခံထားပြီး ဖြစ်ကြောင်း သိရသည်။
မြောက်ဦးဒေသအား လာမည့် ၂၀၂၃ ခုနှစ်တွင် ကမ္ဘာ့ရှေးဟောင်း ယဉ်ကျေးမှု အမွေအနှစ် ယူနက်စကို ဝင်/မဝင် ဆုံးဖြတ်မည် ဖြစ်သည်။
မြောက်ဦးသည် ရခိုင်သမိုင်း၏ ထင်ရှားသည့် ရှေးဟောင်းအမွေအနှစ်များ စုဝေးတည်ရှိရာ မြို့တော်တစ်ခု ဖြစ်သည့်အပြင် ဓညဝတီ၊ ဝေသာလီ၊ လေးမြို့၊ မြောက်ဦး စသည့် ခေတ်ကြီး လေးခေတ်အနက် နောက်ဆုံးခေတ်ဖြစ်ပြီး လွန်ခဲ့သည့် နှစ်ပေါင်း ၁၀၀၀ ခန့်က ရခိုင်ဘုရင်များ တည်ထားခဲ့သည့် ရှေးဟောင်း အမွေအနှစ်များ တည်ရှိသည်။
- By CNI
- Category: လူမှုဘဝ
- Hits: 566
CNI News
၂၀၂၂ ခုနှစ်၊ ဧပြီ ၂၁
ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်မီတာရုံးတွင် ယနေ့(ဧပြီ ၂၁ ရက်) မီတာလာရောက် ဆောင်နေမှုများကို တွေ့ရသည်။
မီတာမဆောင်သည့် ရပ်ကွက်များကို ဧပြီ ၂၀ ရက်နေ့က စတင် မီးဖြတ်ခဲ့ပြီးနောက် ယနေ့ (ဧပြီ ၂၁ ရက်)တွင် လာရောက် မီတာဆောင်သူများ များပြားခဲ့သည်။ဒဏ်ကြေးအနေဖြင့်လည်း ၄၀၀၀ ကျပ် ပေးဆောင်ရကြောင်း သိရသည်။
သင်္ဃန်းကျွန်းမြို့နယ် လျှပ်စစ်မီတာရုံးက မီတာဆောင်ရမည့် နောက်ဆုံးရက်များအဖြစ် ဧပြီ ၂၀၊ ၂၂၊ ၂၄၊ ၂၆၊ ၂၈ ရက် စသဖြင့် သတ်မှတ်ကြေညာထားကြောင်း သိရသည်။
- By CNI
- Category: လူမှုဘဝ
- Hits: 900
CNI News
၂၀၂၂ခုနှစ်၊ ဧပြီ ၂၁
ပုဂံရှေးဟောင်းယဉ်ကျေးမှုဒေသတွင် ဘုရားနှစ်ဆူနှင့် ကျောက်ဆစ်လက်ရာတချို့ ပြီးခဲ့သည့် ရက်ပိုင်းက အခိုးခံ လိုက်ရ သဖြင့် ကျန်ဘုရားစေတီအငယ်များ၌ သံတံခါးများ တပ်ဆင်တော့မည်ဖြစ်ကြောင်း ရှေးဟောင်းသုတေသနနှင့် အမျိုးသား ပြတိုက်ဦးစီးဌာန (ပုဂံဌာနခွဲ)မှ သိရသည်။
အခိုးခံလိုက်ရသည့် ဘုရားများမှာ ဘုရားအမှတ်(၄၁၈) နှင့် (၇၁၆) ဘုရားနှစ်ဆူအပြင် ထိုင်တော်မူ ရုပ်ပွားတော်ကြီးများ အောက်ရှိ ပလ္လင်ခုံတွင် ကျောက်ဖြင့် ထွင်းထားသည့် ရုပ်ထုများဖြစ်ပြီး လိုဏ်ဂူဘုရားများဖြစ်ကာ တောထဲ၌ တည်ထား သည့်အတွက် သံတံခါးများ တပ်ဆင်ထားမှုမရှိကြောင်း ရှေး/သု(ပုဂံဌာနခွဲ)မှ ဒုတိယညွှန်ကြားရေးမှူး ဦးမြင့်သန်းက CNI သတင်းဌာနသို့ ပြောသည်။
ဒုတိယညွှန်ကြားရေးမှူး ဦးမြင့်သန်းက “တော်ရုံတန်ရုံလည်း အဲဒီနေရာတွေဘက်က လူသူအရောက်ပေါက် ဘုရားဖူးတဲ့သူ သီးသန့်သွားပြီး ဖူးကျလေ့ရယ်လို့ မရှိဘူး။ လက်ရှိတော့ အကောင်းဆုံးဖြစ်အောင်လို့ ဦးစားပေးလုပ်နိုင်တဲ့ အနေအထား ကတော့ သံတံခါးတွေကို တပ်သွားမယ်။ အခု လောလောဆယ်မှာတော့ ကျနော်တို့ ဒီသံတံခါးတွေပေါ့နော်။ အဲဒီလို လုံခြုံမှု ရှိအောင် နောက်တစ်ခါ ထိန်းသိမ်းပြီးသားလေးလည်း ဖြစ်အောင်ဆိုပြီးတော့ တံခါးမရှိသေးတဲ့ လိုဏ်ဘုရားတွေဆိုရင် တံခါးတပ်ဆင်ဖို့အတွက် စတင်ပြီး စာရင်းပြုစုပြီးတော့မှ ဆောင်ရွက်ဖို့ စီစဉ်နေပါပြီ။ နောက်တစ်ခုကလည်း အခုလို ချောင် ကျတဲ့ နေရာမှာရှိတဲ့ အလှမ်းဝေးတဲ့ နေရာမျိုးတွေမှာ အစောင့်အိမ်တွေနဲ့ ဘုရားစောင့်တွေကို ထားပေးဖို့အတွက်ကိုလည်း စီစဉ်နေပါတယ်” ဟု ပြောသည်။
ဘုရားစောင့်အတွက် နေအိမ်ထားရှိရန် နေရာ၊ သောက်သုံးရေးနှင့် လျှပ်စစ်မီး ရရှိရေးတို့အတွက် ကွင်းဆင်း လုပ်ဆောင်မည် ဖြစ်ပြီး CCTV များလည်း တပ်ဆင်ရန် အစီအစဉ်ရှိကြောင်း သိရသည်။
အခိုးခံလိုက်ရသည့် ပုဂံဘုရား
CCTV တပ်ဆင်မည့်ကိစ္စမှာ ယခင်ကတည်းက ကြိုးစားထားခြင်းဖြစ်ပြီး အခြေအနေ တစ်ခုကြောင့် ကြန့်ကြာနေခြင်း ဖြစ် ကြောင်းနှင့် လက်ရှိတွင် ထိုဘုရားနှစ်ဆူနှင့် ကျောက်ဆစ်လက်ရာများ အခိုးခံလိုက်ရသည့်အတွက် ရှေးဟောင်းပစ္စည်း ပျောက်ဆုံးခြင်း၊ ခိုးယူခြင်း၊ ရှေးဟောင်း အဆောက်အအုံ ပျက်စီးအောင် ဆောင်ရွက်ခြင်းတို့ဖြင့် အမှုဖွင့်လှစ်ထားကြောင်း ဒုတိယညွှန်ကြားရေးမှူး ဦးမြင့်သန်းက ပြောသည်။
ယခင်ကလည်း ပုဂံဒေသတွင် ဘုရားခိုးမှု၊ ဖောက်ထွင်းခံရမှုများရှိခဲ့ကာ တရားခံ ဖမ်းမိသည့် ကိစ္စရပ်များရှိသကဲ့သို့ တရားခံ ဖမ်းမမိသည်များလည်း ရှိကြောင်း သိရသည်။
ဒုတိယညွှန်ကြားရေးမှူး ဦးမြင့်သန်းက “ဒီလိုရှေးဟောင်း အဆောက်အအုံတွေကို ခိုးယူတာတို့၊ ဖျက်ဆီးတာတို့၊ ဒါမျိုးတွေက မလုပ်သင့်ပါဘူး။ လုပ်ဖို့လည်း မကောင်းပါဘူး။ ကိုယ်ချစ်မြတ်နိုးရတဲ့ အမွေအနှစ်တွေ ဖြစ်ပြီးတော့မှ ဒီအမွေအနှစ်တွေကို မှ ကိုယ်ကျိုးရှာပြီး အမြတ်ထုတ်တာကတော့ မလုပ်ကောင်းတဲ့အရာ ဖြစ်ပါတယ်။ ဘုရားရဲ့ ပစ္စည်းတွေလည်း ဖြစ်ပါတယ်။ ရှေးခေတ် ဘိုးဘွားတွေရဲ့ ပုဂံဘုရားရဲ့ ကျိန်စာတွေဘာတွေ သတ်မှတ် ထားတာဖြစ်တဲ့အတွက် ကျူးလွန်တဲ့သူတွေ အတွက် မှာလည်း အန္တရာယ်ကြီးမားစွာ ကျရောက်နိုင်ပါတယ်။ ဒါ့ကြောင့်မို့လို့ ဒီဘုရားတွေရဲ့ အမွေအနှစ်တွေ၊ ကျနော်တို့ရဲ့ အမွေအနှစ်တွေကို ထပ်မံကျူးလွန်ခြင်း၊ ခိုးယူခြင်းတွေ မဆောင်ရွက်ဖို့အတွက်ကို ကျနော့် အနေနဲ့ကတော့ အတိအလင်း မေတ္တာရပ်ခံ အပ်ပါတယ်ဆိုတာပဲ ပြောချင်ပါတယ်” ဟု ပြောသည်။
ပုဂံရှေးဟောင်းယဉ်ကျေးမှုဒေသအား ပြီးခဲ့သည့် ၂၀၁၉ ခုနှစ်၊ ဇူလိုင် ၆ ရက်နေ့က ကမ္ဘာ့အမွေအနှစ် စာရင်းဝင်အဖြစ် သတ်မှတ်ခဲ့ခြင်းဖြစ်ကာ ဘုရားစေတီပုထိုးပေါင်း ၃၈၃၇ ဆူရှိကြောင်း ရှေး/သု(ပုဂံဌာနခွဲ)၏ စာရင်းအရ သိရသည်။
- By CNI News
- Category: လူမှုဘဝ
- Hits: 781