CNI Sport News
၂၀၂၄ ခုနှစ်၊ ဇွန်လ ၂၀
အက်စတွန်ဗီလာအသင်းဟာ နယ်သာလန်နောက်ခံလူ မတ်ဆန်ကို ခေါ်ယူဖို့ ချယ်လ်ဆီးအသင်းနဲ့ ပြောင်းရွှေ့ ကြေး သဘောတူညီမှု ရရှိခဲ့ပါတယ်။
အက်စတွန်ဗီလာအသင်းဟာ မတ်ဆန်အတွက် ချယ်လ်ဆီးအသင်းကို ပြောင်းရွှေ့ကြေး ပေါင်သန်း ၃၀ ကနေ ၄၀ ကြား ပေးချေရမှာဖြစ်ကာ ဆေးစစ်မှုတွေ ခံယူအပြီးမှာ ၆ နှစ် စာချုပ်ချုပ်ဆိုဖို့ ရှိနေတာပါ။
မတ်ဆန်ဟာ ပြီးခဲ့တဲ့ရာသီဝက်က ဒေါ့မွန်အသင်းမှာ အငှားသွားရောက် ကစားခဲ့ပြီး ခြေစွမ်းပြသနိုင်ခဲ့ကာ အသင်း ကို ချန်ပီယံလိဂ် ဗိုလ်လုပွဲ တက်နိုင်အောင် စွမ်းဆောင်ပေးနိုင်ခဲ့ပါတယ်။
အက်စတွန်ဗီလာအသင်းဟာ လာမယ့်ရာသီ ချန်ပီယံလိဂ်ပြိုင်ပွဲ ယှဉ်ပြိုင်ရမှာဖြစ်တာကြောင့် မတ်ဆန်ကို ခေါ်ယူနိုင်ဖို့ ကြိုးစားခဲ့တာပါ။
ချယ်လ်ဆီးအသင်းဟာ အပြောင်းအရွှေ့ အစိတ်အပိုင်းအဖြစ် အက်စတွန်ဗီလာအသင်း တိုက်စစ်မှူး ဒူရမ်ကို အလဲအလှယ်ပြုလုပ်ဖို့ ဆွေးနွေးခဲ့ပေမယ့် နောက်ဆုံးမှာ မတ်ဆန်ကို ရောင်းချဖို့ ဆုံးဖြတ်ခဲ့တာ ဖြစ်ပါတယ်။
ဒေါ့မွန်အသင်းဟာ အငှားကစားချိန်မှာ ခြေစွမ်းပြသနိုင်ခဲ့တဲ့ မတ်ဆန်ကို ခေါ်ယူဖို့ ကြိုးစားခဲ့ပေမယ့် ချယ်လ်ဆီး အသင်း လိုချင်နေတဲ့ ပြောင်းရွှေ့ကြေး ပေါင် ၃၅ သန်းကို အပြည့်အဝ ပေးချေဖို့ ဆန္ဒမရှိခဲ့တာပါ။
မတ်ဆန်ကို တွေ့ရစဉ်
ချယ်လ်ဆီးအသင်းဟာ ပြီးခဲ့တဲ့ ဇန်နဝါရီလက မတ်ဆန်ကို ၁ နှစ် စာချုပ်သက်တမ်း တိုးခဲ့ပေမယ့် ဒီစာချုပ်ထဲမှာ နွေရာသီထွက်ခွာခွင့်ပြုနိုင်တဲ့ စာချုပ်ဖျက်သိမ်းကြေး ပါဝင်နေတာဖြစ်ပါတယ်။
မတ်ဆန်ဟာ လက်ရှိအချိန်မှာတော့ ယူရို ၂၀၂၄ ပြိုင်ပွဲဝင် နယ်သာလန်အသင်းနဲ့အတူ ရှိနေတာကြောင့် အက်စတွန်ဗီလာအသင်းထံ ပြောင်းရွှေ့ဖို့ ဆေးစစ်မှုနဲ့ စာချုပ်ချုပ်ဆိုမှု ပြီးမြောက်ခြင်း မရှိသေးတာပါ။
ချယ်လ်ဆီးအသင်းဟာ မတ်ဆန်ကို ၂၀၁၉ ခုနှစ်က PSV အသင်းကနေ ခေါ်ယူခဲ့ပြီး ချာလ်တန်၊ ကိုဗင်ထရီ၊ ဘန်လေနဲ့ ဒေါ့မွန်အသင်းတွေထံ အငှားချခဲ့ပါတယ်။
မတ်ဆန်ဟာ ချယ်လ်ဆီးအသင်းအတွက် ၁၆ ပွဲသာ ပါဝင်ကစားခဲ့တာ ဖြစ်ပါတယ်။
Source: BBC
